2020 թվականի սեպտեմբերի 18-ին Սնանկության մասին ՀՀ օրենքում ընդունված փոփոխությամբ խստացվել է սնանկ ճանաչելու համար օրենքով պահանջվող պարտադիր պայմանները:
Այսպես, եթե նախկինում պարտապանը` դատարանի վճռով կարող է սնանկ ճանաչվել`
եթե թույլ էր տվել օրենքով սահմանված նվազագույն աշխատավարձի հազարապատիկը /մեկ միլիոն ՀՀ դրամը/ գերազանցող անվիճելի վճարային պարտավորությունների 60-օրյա կամ ավելի ժամկետով կետանց, ապա նոր փոփոխությամբ
Պարտապանը` դատարանի վճռով կարող է սնանկ ճանաչվել` եթե թույլ էր տվել օրենքով սահմանված նվազագույն աշխատավարձի երկուհազարապատիկը /երկու միլիոն ՀՀ դրամը/ գերազանցող անվիճելի վճարային պարտավորությունների 90-օրյա կամ ավելի ժամկետով կետանց..:
Նույնը վերաբերում է նաև սեփական նախաձեռնությամբ` (կամավոր սնանկության դիմում) ներկայացնելուն. պարտապանի պարտավորություններն օրենքով սահմանված նվազագույն աշխատավարձի երկուհազարապատիկի և ավելի չափով պետք է գերազանցեն պարտապանի ակտիվների արժեքը:
Փոփոխությունն ուժի մեջ է 12 հոկտեմբերի 2020թ-ից: